నిజాం రాజ్యంలో ఒక పత్రిక తేవడమంటే సాహసమే అని చెప్పాలి.
అదొక రాచరిక వ్యవస్థ.
ఎన్నో ఆంక్షలు, ఎన్నో నిర్భందాలు మరెన్నో వేధింపులు.
అత్యధికులు తెలుగు మాట్లాడే వారే అయినా తెలుగు భాషకు ఆనాడు రాజగౌరవం లేదు
ప్రజల మాటల్లోనే కాని పరిపాలనలో తీసుకోబడలేదు.
ఒక్క మాటలో చెప్పాలంటే ఆంధ్ర చరిత్ర సహా శతాధిక గ్రంధాల్లో చెప్పబడినట్లు
విశ్వామిత్రుని శాపానికి గురై ఉత్తరదేశం నుండి దక్షిణానికి వలసవచ్చిన ఆంధ్రులు
క్రీ.పూ. 2 శాతాబ్దిలో రాజ్యం ఏర్పాటు చేసుకుని సుమారు 400 ఏండ్లు పైన సాగించిన
పరిపాలనలో (ఆంద్ర రాజుల పరిపాలన లేదా శాతవాహనుల పరిపాలన అంటారు)
ఆంధ్రుల తమ ప్రాకృత భాషనే (Middle Indo-Aryan Language) రాజభాషగా చేసుకుని
సంస్కృత భాషను గ్రంధ, శాసనాదికాల్లో ఉపయోగించారు
అప్పటికి వేల ఏండ్ల నుండి ఇక్కడి ప్రజల భాషగా ఉన్న తెలుగును పక్కన బెట్టారు
ఆనాటి ఆంద్ర రాజుల నాలుగు వందల ఏళ్ల పై పాలనలో కనీసం ఏ ఒక్క గ్రంధమే కాదుకదా ఏ ఒక్క శాసనమూ తెలుగులో వేయబడ లేదు
ప్రజాభాయైన తెలుగు వెలుగు చూడ లేకపోయింది
(ఆంద్ర సాహిత్య చరిత్రలో పై విషయాలన్నీ సవివరంగా తెలుసుకోవచ్చని మనవి)
నిజాము కాలంలో కూడా ఉర్దూ భాషయే రాజభాషగా వాడబడి, తెలుగు ప్రజల భాషగానే ఉండిపోయింది
మాతృభాష తెలుగుభాషపై అభిమానాన్ని చూపిన తెలంగాణా వారి తెగువ
పూర్తి భాషా స్వాతంత్ర్యత ఉన్న చోట పత్రిక వెలువరించడం మామూలు విషయమే
కాని ఎన్నో ఆంక్షలు, నిర్భందాలు ఉన్నచోట వెలువరించటం అది కొంచెమైనా ఘనమే
ఎన్నో వ్యయప్రయాసల కోర్చి నిజాంరాజ్యంలో తెలుగు పత్రికలను వెలువరించి
తమ తెలుగు భాషాభిమానాన్ని చాటుకున్న నాటి తెలంగాణా మహామహుల గురించి, వారి పత్రికల గురించి తెలుసుకోవడం మన విధిగా భావిస్తూ ఆ నాటి పత్రికల గురించి ఇక్కడ ఉంచడం జరుగుతుంది.
ఇక్కడ ఉంచబడుతున్న సమాచారం యథాతథంగా
కైలాసవాసులైన శ్రీ పండిత చిదిరేమఠం వీరభద్రశర్మ గారి విభూతి పత్రిక నుండి గ్రహించ బడినవి.
వేదకావ్యస్మృతి తీర్థ, ధర్మాచార్య, విద్యానిధి సకల శాస్త్ర పారంగతులు అయిన వీరి పత్రికలో సర్వ విషయాలు వెలువరించ బడ్డాయి
5 సంవత్సరాల పైన వీరు విభూతి పత్రికను అజేయంగా వెలువరించారు
ఆపైన శ్రీవారు కాశీ జగద్గురు పీఠాన్ని అధిష్టించడంతో విభూతి పత్రిక ఆగిపోయింది.
విభూతి పత్రిక నుండి సంగ్రహించిన క్రింది వార్త కై వారికి కృతజ్ఞుడను